Mir si zwo jungi Froue wo aktuell no imene Chinderchörli singe u nachere Aschlusslösig sueche. Bi viune Jodlerklüb hets aber ke Platz für üs. Us de Chinderschue simer aber usegwachse, es wird Zyt für öppis Nöis.  Mir hei gmerkt, dass es angerene ou so geit.

 

Drum hei mir beschlosse, dass mir öppis Eigets uf Bei steue. Es söu e Mischig wärde us eme Jodlerklub im traditionelle Sinn u de Jugendjodlerchör wos i dr West- u Ostschwiz git. 

​

Üses Ziel isch es, dass mir am 1. Eidgenössische Jugendjodlerfest ds Grindelwald chöi ufträtte u när aus Verein wyter chöi bestah. So wiemes kennt, mit eigete Konzärt, regelmässige Probe, gmeinsame Usflüg u vorauem viu Fröid bim zäme singe u zäme sii. 

​

Bisch ou derbii?